ROKOSZANI

ROKOSZANI

in Polonia, dicti confoederati, a conventu Rokosz: His decretum nisi Rex Signsmundus III. postulatis satissaceret, alium Regum sibi praeficere, plerisque nobilium suffragiis in Vincentium Mantuae Ducem inclinantibus: Regem a Petro Skarga Iesuita obfirmatum vicerunt; Hinc Varsaviae in Comitiis de pace actum, Hîc dum Foederati partem bonorum Ecclesiastic. inter Nobiles distribui, et Iesuitas regnô pelli aut scholis coerceri petunt, in securos impressione factâ, castris exuit dissipatique suut, A. C. 1607. Thuan. Hist. l. 136. 138. Aliquando universi Nobiles contra Regem et Sanatum coeunt, Rokoss indicunt, quod famosum in unum concurrendi symbolum est. Genuinum nominis etymon dari vix potest, interimsonat terminum statô tempore controvertendi et Symbolum est in ista genta usitatum, quô tota Nobilitas, cuius amplissima sunt iura, ad consurgendum contra Regem et Senatum, pro vindicandis privilegiis suis, convocatur: Formidolosum quondam Regibus, idque eo magis, quod Nobiles etiam Regi et Proceribus familiares, tunc heros suos deserere et in commune opem suam conferre adstricti sunt. Cuius exemplum, praeter id, quod de Signismundo III. memoratum, sub Sigismundo I fuit, A. C. 1537. cum coactâ totius Equestris Ordinis manu Moldaviam petens castra ultra Leopolim, prope oppidum Gliniany posuislet; Tum enim, acclamatâ hac tesserâ Rokoss, Nobiles omnes Rege, Proceribusque relictis, invicem coniuncti severiorem administratae Reip. rationem ab ipsis requirebant, ac Senatores quosdam, pravorum consiliorum Auctores, tum ultu populari pene oppresserunt. Aliud sub Ludovico Rege, A. C. 1380. in Histor. videre est. Auctor.f Anonymus Histor. Orbis Terr. Geogr. et Civil. v. 8. §. 8. ubi de Iuribus Nobil.